పెద్దన చేసిన ఒక సాహసం వరూధిని అనే పాత్రను సృష్టించటం. అదివరకు ఎన్నో స్త్రీపాత్రలు వచ్చాయి కాని వరూధిని వంటి వ్యక్తిని సృష్టించే పరిస్థితులు, కవులు అంతవరకు రాలేదు. కృష్ణదేవరాయల పాలన నాటి రాజకీయ, సాంఘిక స్థితిగతులు పెద్దనవంటి వారు విలాసభరితమైన సాహిత్యాన్ని, విలాసులైన స్త్రీపాత్రలను నిర్మించటానికి అనుకూలమయ్యాయి.

దాదాపు చదునుగా ఉన్న సముద్రం. ఎక్కడా దిగుడుగానీ గుంటలుగానీ ఉన్న ఛాయలు కనిపించడం లేదు. చదునుగా ఉన్న నేలంతా నున్నని లేతలేత రంగుల రాళ్ళు… మధ్యలో చిన్న చిన్న ఇసుకమేటలు…కంటికి కనిపించకుండా పోయినా వెనుకనుంచి మసక వెన్నెల చిందిస్తోన్న కృష్ణ తదియ చంద్రుడు – ఆ మసక వెలుగులో సముద్రగర్భమంతా వివరంగానే కనిపించడం, ఎన్నో యేళ్ళ తర్వాత జోరువానలో ఆరుబయటకు చేరడం, ఎదురుగా రారమ్మని పిలిచే నీరు తీసిన సముద్రగర్భం.