సింగపూర్
పొడి ఆకులను
నడిచే పాదాలను
పాకే నీడల గోళ్ళతో
తాకుతుంది ఎండ.
తిండి వనాల్లో
తిరుగాడే జంతువులు
అంతా బాహిరమైతే
ఆత్మకు చోటెక్కడ?
వట్టిపోయిన ఆవులా
తట్టిలేపుతుంది వెన్నెల
కుమ్మరించే వాన
నిమ్మళించింది.
పాచిపట్టిన బండరాళ్ళపై
విచ్చలవిడిగా దూకే జలపాతాలు
విచలించే జ్ఞాపకాలు
తచ్చాడుతాయి తడిచేతులతో!
నగరాన్ని చుడుతుంది
డ్రాగన్లా ఈ రైలు
బడలికతో చాచి
మెడతిప్ప లేదు జిరాఫి.
రచయిత తమ్మినేని యదుకులభూషణ్ గురించి: తమ్మినేని యదుకుల భూషణ్ జననం రాయలసీమలోని చారిత్రకస్థలం తాడిపత్రిలో. కొన్నాళ్ళు సింగపూర్లో పనిచేసారు. నివాసం సోమర్సెట్, న్యూజెర్సీలో. "నిశ్శబ్దంలో నీ నవ్వులు" అనే కవితాసంకలనం ప్రచురించారు. కథలు, విమర్శలు కూడా రాసారు. ... పూర్తిగా »