ఒక పుస్తకం
నీకేం నువ్వు
పుస్తకం ఇచ్చి వెళ్లావు
ఒక్క పదమూ తెలిసింది లేదు
తెలియక పోయిందీ లేదు
వింతగా ఉంది
దారం చెయ్యిలా ఉంది
పడపోతానని బయం
పటం కింద గాలి నవ్వు
విండో సిల్ మీద పేచీ
గాలి మీద సాము
రెండు పావురాలు
ప్రణయమేమో
చెంపల మీద కాంతి
కంటిలో కరుగుతోంది
ఎదురైతే పలకరించక
పోవడమే మంచిదా
ఇది చాల బాగుంది
ఎక్కడికక్కడ విరిగిపోవడం
రెండు పెగ్గులు పద్యం తాగి
ఒక బుజమ్మీద ఒరిగిపోవడం
పాతది మాట్టాడనని
వ్రతం పట్టావు
ప్రేయసి అందుతుంది
బయపడకు, గెడ వెయ్
కాగితాలు ఎట్టాగో పేర్చి
అమ్మను పిలుస్తా
చూడు ఏం చేశానో అని అరుస్తా
ఫొటో తీసుకుంటుంది
మనుషులు కలుసుకోవాలి
మాట్లాడుకోవాలి
తెలుసుకోవాలి ఇంకా
ఏం ఒరిగింది, విడిపోయి
చాల బింబాలుగా
పగిలిపోయి… ?
(అనంతుకు, నాయుడికీ; ఒక ‘బుడదంగి’తో పండుగ చేసుకుంటూ. బుడదంగి - అనంతు కొత్త పుస్తకం పేరూ, వాళ్లూరిలో గాలిపటమూ)
ravikiran timmireddy అభిప్రాయం:
June 26, 2012 9:31 pm
ఇవి నానీలా హెచ్ అర్కే గారు? ఇవి నానీలయితే ఒకటి రెండు బాగున్నాయి, కానీ ఇది కవిత అయితే మాత్రం మీ మనసులో తోచిన భావం మా మనసులకి చేరలా. మీరు చెయ్యి తిరిగిన గొప్ప కవితా పెయింటర్ అయుండొచ్చు, నిజంగానే అంత గొప్ప కవులే మీరు, కానీ మీ భావం మీ కవిత లో షార్ట్ సర్క్యూట్ అయిపోయి, పాఠకులని చేరకముందే డిసిపేట్ అయిపోయినట్టుంది.
-రవికిరణ్ తిమ్మిరెడ్డి
rama bharadwaj అభిప్రాయం:
June 27, 2012 2:07 pm
రవికిరణ్! మీకు ఇంకా ఇలాంటి అనుమానాలు రావడం నాకు చాలా ఆశ్చర్యాన్ని కలగజేస్తోంది సుమా! ఇంతటి కవికి “వెనక మాటలు” రాసిన విమర్శకులు ఏదో నాడు దీనికీ భాష్యం చెప్తారు. అందాకా ఆగాలి కదా! ప్రశ్నలు కూడదు. మీకు కావలసిందల్లా కాస్త ఓపిక. అంతే!!
రమ.