(10 అభిప్రాయాలు) మీ అభిప్రాయం తెలియచేయండి »

1. Siddineni Bhava Narayana అభిప్రాయం:

   May 1, 2012 8:45 am

   ‘’యాట ‘ram, she-goat’ > ఆటు (త.) - - ఏట (తె.)'’
   ram ఆంటే male goat/sheep [uncastrated] గదా? అచ్చు తప్పనుకుంటాను.
   ‘చవియల్/చావల్ > అవియల్ = దంచిన బియ్యం’
   హిందీ లో కనిపించె చావల్ ద్రవిడ జన్యమా?

2. సురేశ్ కొలిచాల అభిప్రాయం:

   May 1, 2012 9:58 am

   @Siddineni గారు: ’యాట’ అన్న పదానికి ram, she-goat అని ఇచ్చిన అర్థాలు పునరుక్తి కాదు. ’యాట’ అన్న ధాతువు, దాని తద్భవ రూపాలను కొన్ని ద్రావిడ భాషలలో గొఱ్ఱె (మగ గొఱ్ఱె) అన్న అర్థంలోనూ, మరి కొన్ని భాషలలో ఆడుమేక గాను ఉపయోగిస్తారు.

   వివిధ భాషలలో ఈ ధాతువుకు సంబంధించిన సజాతి పదాలు వాటి అర్థాలు:

   తమిళం: యాటు, ఆటు goat, sheep; ఆట్ట్-ఆళ్ shepherd.
   మళయాళం: ఆటు goat, sheep; ఆట్టుకారన్ shepherd.
   కోత:. అర్ goat.
   తొద: ఒడ్ goat.
   కన్నడ: ఆడు goat
   కొడగు: అడి
   తుళు: ఏడు
   తెలుగు: ఏడిక, ఏట
   గొండి: యేటీ, ఏటి she-goat (Voc. 376).
   పెంగొ: ఓడ goat.
   మండ: ఊడె
   కుయి: ఓడ
   కువి: ఓడా, ఓడ
   కూరుఖ్: ఏరా she-goat.
   మాల్తో: ఏరె
   బ్రాహుయి: హేట్
   సంస్కృతం: ఏడ, ఏడక, ఏడీ a kind of sheep;
   (Turner, CDIAL, no. 2512., DEDR 5152)

   చావల్ అన్న పదం ఏ భాష జన్యం అన్న విషయం గురించి ఎన్నో వాదోపవాదాలు జరిగాయి. అది కచ్చితంగా సంస్కృత జన్యము కాదు (సంస్కృత పదమైన శ్యామల జన్యమని వాదించేవారు లేకపోలేదు). అది ద్రావిడ భాషా జన్యమైనా అయ్యిండాలి. లేదా లుప్తమైన ఉత్తరాది దేశభాషల నుండి హిందీలోకీ ద్రావిడ భాషలలోకి ప్రవేశించైనా ఉండాలి.

3. nagamurali అభిప్రాయం:

   May 2, 2012 5:39 am

   సురేశ్ గారూ, ఏమిటో ఈ పదాల మూలాలు తెలుసుకోడానికి మీరెంత కష్టపడుతున్నారో కదా అనిపిస్తుంది ఒక్కోసారి. ‘కంఠాభరణం’ నాటకంలో ఒక సులభమైన సూత్రం చెప్పారండీ. మీకు ఉపయోగపడొచ్చని ఆశిస్తున్నా.

   “ఈ ‘సర్కసు’ శబ్దమేభాష అని మీ మతము?”
   “ఒక సూత్రము చెప్పెదను వినుము. కఠినమైన శబ్దమేదియైననూ సంస్కృతమే.”

4. సురేశ్ కొలిచాల అభిప్రాయం:

   May 2, 2012 11:19 am

   @nagamurali “అలాగా? మరి ఈ ‘సర్కసు’ శబ్దమునకు అర్థముమాట?” అని అడిగితే, పానుగంటి వారు సరైన సమాధానం ఇవ్వలేదు కానీ నా సమాధానం ఇలా ఉండేది:

   నాయనా, ఈ శర్కస్- శబ్దము అతి ప్రాచీనమైనది. ఈ రకమైన కసరత్తులను నెరపడంలో శర్కరాక్షుడనే మహర్షి మహాప్రసిద్ధిని చెందినవాడు. కావుననే, ఆతని పేరిట వీటిని శర్కరాక్ష ప్రక్రియలు అని పిలిచేవారు. ఆయుర్వేదాన్ని నిర్వచించిన పెక్కు మహర్షులలో ఆయన ఒకరని చరకసంహిత మనకు చెబుతుంది::

   కాంకాయనః కైకశేయో ధౌమ్యో మారీచకాశ్యపౌ
   శర్కరాక్షో హిరణ్యాక్షో లోకాక్షః పైంగిరేవ చ
   (చరకసంహిత సూత్ర స్థానః 1.12)

   ఈ మ్లేచ్ఛులకు శర్కరాక్ష ప్రక్రియలు అనుటకు నోరు తిరగక వాటిని శర్కస్ అనియు సర్కస్ అనియు మార్చుకున్నారు. చూసావా నాయనా, తల్లి సంస్కృతంబు ఎల్ల భాషలకు అని ఇప్పుడైనా ఒప్పుకుంటావా?

   :-).

5. Srinivas Vuruputuri అభిప్రాయం:

   May 2, 2012 1:00 pm

   “ఆశ్చర్యార్థకాలను, హర్షాతిరేకాలను, బాధను దుఃఖాన్ని తెలిపేటప్పుడు బంధుత్వ పదాలను వాడడం ద్రావిడ భాషల ప్రత్యేకత అని మీకు తెలుసా?”

   నిజంగా తెలియదు మీరు చెప్పేదాకా. తమిళులు “అబ్బాడీ, అమ్మాడీ” అని ఆశ్చర్యపోవడం చూసాను. హిందీలో సైతం బాప్‌రే బాప్‌ అని గుండెలు బాదుకుంటారు కదా? :-)

   సురేశ్‌ గారూ, మరో మాట - సంఖ్యాపదాల మీద రాసిన వ్యాసంలో మీరు - “ఏడుకొండల గురించి అన్నమయ్య” ప్రస్తావించాడా ఏ పదంలోనైనా?” అని అడిగారు. కొండలరాయడు, కొండలయ్య అనే మాటలను చూసిన జ్ఞాపకం. కానీ ఏడుకొండలు అనే మాట ఆయన వాడినట్లు అనిపించలేదు. అది ఇటీవలి పదబంధమా?

6. Chinthu అభిప్రాయం:

   May 5, 2012 6:08 pm

   చింతు అంటే date-palm? నిజమా?

7. Siddineni Bhava Narayana అభిప్రాయం:

   May 6, 2012 12:46 am

   సురేశ్ గారూ,

   ధన్యవాదాలు. ‘’ram” ని she goat అనడం అచ్చు తప్పేమోనని, పునరుక్తి ఆని కాదు!

   చావల్ ద్రవిద భాషల్లో ఉనికిలో ఉందంటారా/ తణ్దుల విషయం? భియ్యం అనే అర్ధం లో ‘వ్రిహి’ కి స్పష్టత వుంది.

   The case of rice in Sanskrit is believed to be a loan from Proto Dravidian, first appeared in Yajurveda, and the sanskritised term, via The Avestan is the source for all the European languages.

   Yajurveda vrihi/vrihis > vrize {Avestan/Old Persian]>oryza [Greek] >riso[Latin ]

   All the European languages are believed to have borrowed the term either from Greek or from Latin.

   Reis in German,
   Riz in French,
   reis in welsh,
   ryz in Polish,
   Rice in English
   Riza in Polish.
   Riso [Italian].

   But the origin and growth of’ tandula ‘and ‘chaval’ are yet to be probed into..

   Etymological Dictionary of Sanskrit by Mayrhofer and The Linguistic History of Sme Indian Domestic Plants by Michael Witzel, give relevant data.

   విధేయుడు,
   సిద్దినెని భావ నారాయణ.

8. సురేశ్ కొలిచాల అభిప్రాయం:

   May 6, 2012 5:40 am

   @Srinivas Vuruputuri గారు: నాకు తెలిసి అన్నమయ్య ఏడుకొండలు అని గానీ, ఏడుకొండల రాయడు అనిగానీ ఎక్కడా ప్రస్తావించలేదు. శాండిల్య సారథ్యంలో విడుదల చేసిన కాసెట్లలో మాత్రం “ఎండగానీ, నీడగానీ” అన్న పాటలో “కొండలరాయడే మా కులదైవము, ఏడు కొండలరాయడే మా కులదైవము” అని పాడారు. అయితే, తిరుమల తిరుపతి దేవస్థానం వారు ప్రచురించిన సాహిత్యంలో ఈ పాటలో “కొండలరాయడే మా కులదైవము” అని మాత్రమే ఉంది. ఏడుకొండలు, ఏడుకొండల రాయడు అన్న పదబంధాలు ఈ మధ్య కాలంలోనివనే నా అభిప్రాయం.

   @Chintu గారు: చీంతు అంటే date-palm. తెలుగులో అది ఈఁత, ఈఁతాడ (సంస్కృతం: హింతాళ).

   @సిద్దినెని గారు: Mayrhofer నిఘంటువు చాలా పాతది. అందులో ఎన్నో ధాతు నిర్ణయాలు ఇప్పుడు ప్రశ్నార్థకం. Witzel పేపరుతో పాటు, Fuller పేపర్లు, ఆయన బ్లాగులో చర్చలు, ఈ సంవత్సరమే వచ్చిన Southworth పేపరు కూడా చూడండి. Southworth ప్రతిపాదించిన విషయాలన్నీ నేను ఒప్పుకోను (ముఖ్యంగా బ్రాహుయి, ఈలమైట్ భాషల సంబంధం గురించి).

   1. Rice in Dravidian, Franklin Southworth, RICE Volume 4, Numbers 3-4 (2011), 142-148, DOI: 10.1007/s12284-011-9076-9
   2. Fuller, D.Q. Indian Archaeobotany watch: Lahuradewa 2008
   3. Fuller, D. Q. A dialog on rice in Indian cultural history

   ధాన్య సంబంధమైన పదాల గురించి వివరంగా మరెప్పుడైనా చర్చించుకుందాం.

9. ఆర్.దమయంతి అభిప్రాయం:

   June 28, 2012 8:25 am

   “తెలంగాణాలో తోటి అల్లుడిని సడ్డకుడు/షడ్డకుడు అని, తోటి కోడలును సడ్డకురాలు అని అంటారు.” అని అన్నారు. నేనెక్కువగా విన్నది మాత్రం - ‘యారాలు’ అని. (ఇది తెలుగు పదం కాకపోవచ్చు కానీ, వాడుకలో ఈ పదాన్నే ఎక్కువగా విన్నాను.)

   ‘పలుకుబడి’ లో ఎన్నో తెలీని సంగతులు తెలియచేస్తున్నందుకు ధన్య వాదాలు సురేశ్ గారూ!

   అభినందనలతో-
   ఆర్.దమయంతి.

10. సురేశ్ కొలిచాల అభిప్రాయం:

    June 28, 2012 7:07 pm

    అవునండి. తెలంగాణలో తోటికోడలు అన్న అర్థంలో యారాలు (ఏఱాలు) అన్న మాటే ఎక్కువగా వాడుతారు. గుర్తు చేసినందుకు కృతజ్ఞతలు. ఏఱాలు అన్నది అచ్చతెలుగు పదమేనండి. చివర్లో ఉన్న -ఆలు అన్న పదమే అది అచ్చతెలుగు పదమని చెబుతుంది. ఏఱాలు అన్న పదం వేఱాలు అన్న పదం నుండి వచ్చింది.

    ఏఱాలు < వేఱాలు < వేఱు + ఆలు = వేరే భార్య/కోడలు

    ఇంటిలో ఉండే వేఱే కోడలు కాబట్టి ఆ స్త్రీ ని వేఱాలు అని పిలిచారని చెప్పుకోవచ్చు. సవతిని కూడా ఏఱాలు అని పిలుస్తారు. వేఱు అన్న పదం ఇలాంటి అర్థంలోనే ప్రయోగించడం తమిళంలో కూడా కనిపిస్తుంది: వేఱ్ తాయి (=వేఱే తల్లి) అని సవతి తల్లిని పిలుస్తారట.

    సవతి అన్న పదం మాత్రం సంస్కృతం లోని సపత్ని (ఒకే భర్తగల స్త్రీలు) నుండి ప్రాకృతంలో సపత్తిగా మారి ఆపై సవత్తి అయి తెలుగులో సవతి అయ్యింది. తమిళంలో ఇప్పటికీ సవతిభార్యను సవత్తి/చవత్తి అనే అంటారు.

మీ అభిప్రాయం తెలియచేయండి

Name (required)

E-mail (required)

URI

English తెలుగు ( కీబోర్డు మ్యాపింగ్ చూపించండి తొలగించండి)
Autosuggest?

ఈమాట పాఠకులకు సూచనలు చదివాను.
వాటికి కట్టుబడి ఉంటానని హామీ ఇస్తున్నాను.



Copyright© 2013   eemaaTa.com. Content can not be reproduced without the permission of the author and the eemaaTa magazine. Contact eemaaTa at submissions@eemaata.com· XHTML · CSS