రంగనాధునివా రాతిబొమ్మవా
రంగనాధునివా రాతిబొమ్మవా
రాగం: రేవగుప్తి
తాళం: ఆది
స్వర రచన, సంగీతం, గానం: పేరి పద్మావతి
రచన, స్వర కల్పన: కనక ప్రసాద్
సాహిత్యం
ప్రార్ధన:
జీర్ణ మందిర విషుప్త నటమ్ చిద్వాయకమ్ మౌని నాయకమ్
పరిహృత నిందా స్తుతి వాక్సాయకమ్ రంగనాయకమ్
నవనీత శీత కరుణా ఛ్ఛవి కృత్య మనో హర హరీ
అవనత శిరసా వందే కవి తార్కిక కేసరీ.
పరిహృత నిందా స్తుతి వాక్సాయకమ్ రంగనాయకమ్
నవనీత శీత కరుణా ఛ్ఛవి కృత్య మనో హర హరీ
అవనత శిరసా వందే కవి తార్కిక కేసరీ.
పల్లవి:
రంగనాధునివా రాతిబొమ్మవా?
మన్ననలెరుగని నంగనాచివా?!
మన్ననలెరుగని నంగనాచివా?!
అనుపల్లవి:
అభయహస్తమా అంకిలి చలమా
ఉభయ భ్రష్టమై పొమ్మని శలవా?
ఆడికోలు ఆనవు వేడుకోలు వినవూ
ఆలకింప చెముడా నీ ఊడిగములింతా? |రంగ|
ఉభయ భ్రష్టమై పొమ్మని శలవా?
ఆడికోలు ఆనవు వేడుకోలు వినవూ
ఆలకింప చెముడా నీ ఊడిగములింతా? |రంగ|
చరణం:
యోగపు నిదురా దాఁగిలి నటనా
ఆగమ ఘోషమా ఆగమాగమా?
పాముపై పడకా గారఁడీని కఱుదా
సోమరికి సొమ్ములిడి స్వామియని బిఱుదా? |రంగ|
ఆగమ ఘోషమా ఆగమాగమా?
పాముపై పడకా గారఁడీని కఱుదా
సోమరికి సొమ్ములిడి స్వామియని బిఱుదా? |రంగ|
చరణం:
ఉయ్యాల సేవలా ఊగులాట వగలా
అయ్య! ఇది అనంత శయనమని ఎగపా?
ఊరేగి పూజలా ఊర్పోక చిన్నెలా
ఎవ్వరికి పొలుచునీ అడవీఁగు వెన్నెల? |రంగ|
అయ్య! ఇది అనంత శయనమని ఎగపా?
ఊరేగి పూజలా ఊర్పోక చిన్నెలా
ఎవ్వరికి పొలుచునీ అడవీఁగు వెన్నెల? |రంగ|
చరణం:
రంగధామమా అంగడింటి కొలువా
పంగనామములన్న ఆ పరమార్ధమిట్టిదా?
పరిపూర్ణ నిద్రా దొరతనపు కులుకా
అఱచి కొఱలాడితే కఱకు శిల పలుకునా? |రంగ|
పంగనామములన్న ఆ పరమార్ధమిట్టిదా?
పరిపూర్ణ నిద్రా దొరతనపు కులుకా
అఱచి కొఱలాడితే కఱకు శిల పలుకునా? |రంగ|
(ఈ గీతానికి స్వర రచన కావలసినవారు ఈమాట సంపాదకుల ద్వారా మమ్మల్ని సంప్రదించమని మనవి.)
For Dr. బందా రామారావుగారు
sridevi అభిప్రాయం:
September 27, 2012 12:16 am
పాట చాలా బాగుంది. రచన బాగుంది. పద్మావతి గారు చాలా బాగా పాడేరు. స్వరరచన కూడా చాలా చాలా బాగుంది. వీలుంటే ఇద్దరి ఫోన్ నం. ఇవ్వగలరు.
sridevi
rajesh అభిప్రాయం:
March 8, 2013 10:27 am
పద్మావతి గారు చాలా బాగా పాడారు. రచన కూడా చాలా చాలా చాలా చాలా బాగుంది. శ్రీ దేవి గారికి కృతజ్ఞతలు.