ఫాదరు జోజి
దినానికని వచ్చి
అలా వగవకండి;
ఎటూ పోను నేను,
సమాధిలో లేను.
రొజ్జకొండ గాలి
చలై తాకుతాను.
కొండ శిలువ దారి
తళుక్కు మంటాను.
నేలబారు గద్ద
నిడుపు సూపు నేను
నేలమీద లేను
ధూళి రేగుతాను.
ఎండపాటి వేళ
ఇలాగొచ్చినపుడు
కఱ్ఱి మబ్బు నీడ
గొడుగు పరుస్తాను.
నెల్లిచెఱువు నీరు
జల్లు కురుస్తాను.
సమాధుల్ని చూసి
భ్రమిస్తారు నన్ను!
దినానికని వచ్చి
అలా వగవకండి;
పిలిస్తే వింటాను
తలిస్తే ఉంటాను.
ఎటెల్తాను నేను?!
ఇటే నిలుస్తాను.
(Based on Mary E. Frye’s poem (1932) Do not stand at my grave and weep).
Seetha Kumari అభిప్రాయం:
March 7, 2011 7:05 am
బాగుంది…
Srinivas Vuruputuri అభిప్రాయం:
March 10, 2011 3:55 am
ఫాదరు జోజి ఎవరా అని వెదుక్కుంటే…హైదరాబాదు ఆర్చిబిషప్పుగా పని చేసి ఇటీవలే మరణించిన జోజి బాబు గారి పేరు తారస పడింది. ఆయన స్మృతిలో రాసిన కవితా ఇది?
“నేలబారు గద్ద / నిడుపు సూపు నేను / నేలమీద లేను / ధూళి రేగుతాను.” అన్న చరణం కవితా సందర్భంలో, మిగతా మృదు పద చిత్రాల నడుమ బాగా అతికినట్లు అనిపించలేదు.