ఇప్పుడెందుకిలా?
అయ్యో! దిగులు..
మరో మనిషితో చెప్పుకోలేనంత,
మాటల ఆసరాతో దింపుకోలేనంత..
రోజూలానే ఆ సాయంత్రమూ -
లోతుతెలీని లోయలాంటి
ఒంటరితనంలో,
రాలిపడుతున్న
ఉసిరిచెట్టు ఆకుల మధ్య-
కుర్చీ చేతులకి మోచేతులప్పజెప్పి,
ఒళ్ళో పుస్తకం మీద
మసగ్గా అలుక్కుపోయిన
తడి అక్షరాలవైపు
పట్టలేనిజాలిని
ప్రసరించుకున్న
పల్చటి జ్ఞాపకాల్లా..
ఇప్పుడెందుకిలా??
maddirala siddardha అభిప్రాయం:
October 22, 2010 12:48 pm
మీ కవిత చాలా బాగుంది
గరికపాటి పవన్ కుమార్ అభిప్రాయం:
November 11, 2010 1:09 pm
ఘాడమైన అనుభూతితో నిండిన భావ తీవ్రత ఉందీ కవితలో. నాకు నచ్చింది.
గరికపాటి పవన్ కుమార్