రాత్రంతా వర్షం కురుస్తూనే ఉంది
చెడ్డ గాలి గంతులు వేసింది
ఎండు తాటాకులను ఎగరగొట్టింది
తాతమ్మ పాక గిజగిజలాడింది
దొడ్డి వాకిలి చప్పుళ్ళు చేసింది
నీళ్ళ బిందెలో తరంగం ఏర్పడింది
మేకుకున్న పటం ఊగిసలాడింది
మూకుడులో రొట్టె చల్లారిపోయింది
చమురు దీపం మూలన అల్లల్లాడింది
వెల్ల వేసిన గోడంతా నీడలమయమైనది
గాలి హోరులో కలవరింత పచార్లు చేసింది
నవారు మంచంపైన అది జాగారం చేసింది
రాత్రంతా వర్షం కురుస్తూనే ఉన్నది
బొల్లోజు బాబా అభిప్రాయం:
November 2, 2009 3:33 am
అద్బుతమైన దృశ్య చిత్రణ. చాలా గొప్పగా సాగింది.
చెడ్డ గాలి అన్న పదప్రయోగం నప్పలేదనిపిస్తుంది.
జాన్ హైడ్ కనుమూరి అభిప్రాయం:
November 2, 2009 10:05 am
అరవయ్యో దశకంలోని బాల్యం గుర్తుకొచ్చింది. అల్లలాడిన చమురుదీపాలు నులకమంచాన్ని విడిచి ఒక్క అరుగుపైచేరి కుంపటి ఎగదోసుకుంటూ, జాగారపు గీతాలను ఆలపించిన గొంతులేవో అస్పష్టంగా వినబడుతున్నాయి.
అభినందనలు
Seetha Kumari అభిప్రాయం:
April 6, 2010 10:44 am
మీ కవిత ఏదైనా మనసుకు హత్తుకునేలా ఉంటుంది….మంచి పద చిత్రాలు వేస్తారు మీరు..