మరోపువ్వు
ఈ సెలయేటిలో దాహం తీర్చుకుంటాను
ఈ చెట్టు నీడలో విశ్రమిస్తాను
వచ్చిపోయే మేఘాల్ని లెక్కించడంలో
మధ్యాహ్నమంతా గడిచిపోతుంది
సాయంకాలం
గూళ్ళని చేరే పక్షులతోపాటు
నా మనసుకూడా
పాటనుండి క్రమంగా
మౌనంలోకి ప్రయాణిస్తుంది
అర్ధరాత్రి నిశ్శబ్దంలో
ఆత్మనొక పుష్పంగా
వికసింపజేసే రహస్యం
ప్రతిమొక్కా నాకు
చెప్తూనే ఉంటుంది
* * *
వేకువ కాంతిలో
వెలిగిపోతూ…
నీ పాదాల చెంత
మరో పువ్వు!
రచయిత మూలా సుబ్రహ్మణ్యం గురించి: ఐదేళ్ళ క్రితం కవిత్వం రాయడం ప్రారంభించి, యాభైకి పైగా కవితలు, పది కథలు, మరికొన్ని వ్యాసాలురాసారు. "ఏటి ఒడ్డున " అనే కవితా సంకలనం ప్రచురించారు. ... పూర్తిగా »
రాజశేఖరుని విజయ్ శర్మ అభిప్రాయం:
September 2, 2009 7:47 am
చాలా బాగా రాశారు.
” ఆత్మకొక పుష్పంగా ” అని కాకుండా
ఆత్మ నొక పుష్పంగా అంటే బాగుండేదేమో.
Subrahmanyam Mula అభిప్రాయం:
September 4, 2009 11:46 pm
శర్మ గారు, కృతజ్ఞతలు.. అక్కడ “ఆత్మనొక” అనే ఉండాలి. టైపో కావచ్చు.
Dear Editors,
Can you please correct the typo? thanks.
సుబ్రహ్మణ్యం.
[అలాగే, సవరించాం … సం.]
రాకేశ్వర రావు అభిప్రాయం:
October 6, 2009 1:21 pm
ఆఖరి పద్యం చాలా బాగుంది.
మీ కవితలతో నాకెప్పుడూ వుండే మొఱ ఒకటే. నిడివి.
రుచి చూపించి వదిలేసినట్టుంటుంది.
Srinivas Nagulapalli అభిప్రాయం:
October 9, 2009 8:55 pm
చక్కని భావం. రవీంద్రుని కవితలను గుర్తుకుతెచ్చింది.
ఎత్తులో కదిలే మేఘాలు, కొంచెం క్రిందగా ఎగిరే చిన్ని పక్షులు, ఇంకా కిందగా మొక్కపై చిన్న పువ్వు- నడిపించిన క్రమం- పరిNaతితో పాదాలు చేరడం, కాదు, చేర్పించడం రమ్యంగా ఉంది.
____________
విధేయుడు
_Srinivas