(16 అభిప్రాయాలు) మీ అభిప్రాయం తెలియచేయండి »

1. Vamsi M Maganti అభిప్రాయం:

   January 1, 2009 9:28 am

   కొండలరావు గారిలాటి పట్టువదలని విక్రమార్కులు ఇంకా చాలా మంది కావాలి అని కోరుకుంటూ…ఒక మంచి ఇంటర్వ్యూ అందించినందుకు మీకు, బాబ్జీలు గారికి ధన్యవాదాలు…

2. Rohiniprasad అభిప్రాయం:

   January 1, 2009 12:43 pm

   కొండలరావు మా నాన్న కుటుంబరావుగారికి అనేక విధాలుగా సన్నిహితులు. విజయచిత్ర ఆఫీసు చందమామ ఆఫీసుకు పక్కనే ఉండేది. జ్యోతి మాసపత్రికలో ‘సంభాషణలు” అనే శీర్షికతో వారిద్దరూ ఒక సరదా వ్యాసం రాశారు. మా నాన్న రాసిన బ్రతుకు భయం అనే రచనను నాటకం రూపంలో మద్రాసు రేడియోలో కొండలరావు స్వయంగా సీతప్ప పాత్ర ధరించి ప్రసారం చేయించారు.

3. విష్ణుభొట్ల లక్ష్మన్న అభిప్రాయం:

   January 1, 2009 3:02 pm

   మంచి వ్యాసం.

   ఈ వ్యాసంలోని కొన్ని విషయాలు నాకు స్వానుభవాలు.

   రావి కొండలరావు గార్ని అజోవిభో ఫౌండేషన్ నాటకాల పోటీల ద్వారా ప్రత్యక్ష పరిచయం కలిగింది. తెలుగునాట నాటకాల మీద ఇప్పటికీ కృషి చేస్తున్న వ్యక్తి. సాధారణంగా నాటకాల నుంచి సినీ రంగంలోకి వెళ్ళిన చాలా మంది వ్యక్తులు తిరిగి నాటకం మొఖం చూడరు. రావి కొండలరావు గారు అందుకు భిన్నంగా ఇప్పటికీ నాటకాలపై గౌరవంతో తమ వంతు కృషి చేస్తూనే ఉన్నారు.

   వ్యాసకర్తలకి ధన్యవాదాలు.

   అయ్యా బాబ్జీలు గారూ: మీ నుంచి (ప్రత్యేకంగా) ఈమాటలో రచనల కోసం ఎదురు చూస్తూ,

   లక్ష్మన్న

4. baabjeelu అభిప్రాయం:

   January 5, 2009 10:37 am

   “కథకుడుగా కొండలరావు” అనే శీర్షికన నండూరి రామ్మోహన రావుగారు ర్రవి కొండలరావు గారి ద్విశత చిత్రోత్సవ అభినందన సంచికలో (1983) ఒక వ్యాసం రాసేరు. అందులో రావి కొండలరావు గారి “ముమూర్ష”, “దిదృక్ష”, “చంద్రశేఖరుని కథ” మరియూ “స్నేహం” కథల గురించి క్లుప్తంగా సమీక్షించేరు రామ్మోహన రావు గారు.

   రావి కొండల రావు గారి “టెక్నిక్” గురించి చెబ్తూ “కొండల రావు తన కథలను ముగిస్తూ ముగింపు తరవాత జరిగేదాన్ని వాచ్యంగా చెప్పడు. పాఠకుల ఊహకు వదిలెయ్యడం అతని “టెక్నిక్” అంటారు.

   “ఇలాగే కొండలరావు రాసిన నిరుద్యోగపర్వం, మాయమైనపర్సు,తప్పిపోయినాడు లాంటి కథలు లబ్జుగానూ, రంజుగానూ వుండి పాఠకుల్ని గిలిగింతలు పెడతాయి” అంటారు నం.రా.రావు గారు.

   వ్యాసం చివర్లో “…కథలు రాయని భాస్కరుడు (జూ) గా కొండలరావు పై ఆయన స్నేహితుడు ముళ్ళపూడి పరోక్ష ప్రభావం ఎంతైనా వుంది (సీనియరు ముళ్ళపూడా? ఎక్కడ చదివేనో గుర్తు రావటం లేదు కృ.శాస్త్రి గారితో ఎలాగొలాగ కష్టపడి రాయించొచ్చుగానీ, ము.వెం.రవఁణ గారి చేత మరీ కష్టవఁని). ఆ ప్రభావంలో నుంచి బయటపడి కథకుడిగా కొండలరావు మళ్ళీ విజృంభిస్తే బావుంటుందనే దిదృక్ష కలవారిలో నేనొకడిని” అని ముగిస్తారు నండూరి రామ్మోహన రావు గారు.

   చూద్దాం. ఈమాట కోసం రా.కొండలరావు గారి చేత కథో, నాటికో ఏదో ఒకటి రాయించగలనేమో? అది మన “పీర్స్” కి “పర్లేదు” అనిపిస్తుందేమో?

5. సాయి బ్రహ్మానందం అభిప్రాయం:

   January 17, 2009 9:23 pm

   క్రితం ఏడాది అక్టోబర్ లో నాటక రంగ ప్రముఖ వ్యక్తి దుగ్గిరాల సోమేశ్వరరావు 77వ పుట్టినరోజు సందర్భంగా తెలుగు యూనివర్శిటీ ప్రాంగణంలో రావికొండల రావు స్వీయరచన దర్శకత్వంలో “బాంబు పేలింది” అని ఓ నాటకం వేస్తే నేను చూసాను. వయసు శరీరానికి కానీ మనసుకి కాదు అని నిరూపిస్తూ ఇరవై ఏళ్ళ వ్యక్తిలా ఎంతో ఉత్సాహంతో రావి కొండల రావూ, ఆయన సతీమణి రాధా కుమారీ నటించారు. ఇద్దరికీ నటనలో, ముఖ్యంగా హాస్యం పండించడంలో బ్రహ్మాండమైన టైమింగ్ వుంది. ఈ నాటకానికి పట్టుమని పది పుంజీల జనం కూడా లేరు. వచ్చిన వారిలో దాదాపు సగానికి పైగా దుగ్గిరాల వారి అభిమానంతో వచ్చిన వారే! ఇది చూసి పక్కనే ఉన్న నాటకరంగంలో మరో ప్రముఖ వ్యక్తి చాట్ల శ్రీరాములు గార్ని మొత్తం హైద్రబాదులో తెలుగు నాటకరంగానికి చెందిన కళాకారులెంత మందని అడిగితే, దాదాపు రెండు వేల పైగా ఉన్నారని చెప్పారు. అంతమంది ఉంటే అదేమిటి పట్టుమని పదిమంది కూడా లేరేమిటని అడిగితే, ఆయన నవ్వి ఊరుకున్నారు. ఆ నవ్వులో నిరాశా, నిర్వేదం కనిపించాయి. ఆ ప్రాంగణంలో ఖాళీ కుర్చీల సంఖ్యే నాటక రంగంలో ఉన్న ఐకమత్యాన్ని చెప్పకనే చెప్పింది. హైద్రాబాదు నగరంలో ఉన్న రెండు వేలమంది కళాకారులూ రావాలని ఆశించక పోయినా, కనీసం అందులో పదో వంతుకూడా రాకపోవడం విచారించదగ్గ విషయం. నాటకం పూర్తయ్యాక నటీనటుల పరిచయ కార్యక్రమంలో పరిచయమక్కరలేని రావికొండల రావు గారికి ఓ నలుగురు అతి బలవంతమ్మీద తప్పట్లు కొట్టారు. ఈ తప్పట్ల శబ్దం పాత్రల సంఖ్య పెరిగే కొద్దీ క్షీణిస్తూ వచ్చింది. ఆఖరి నటుని పరిచయమొచ్చేసరికి ఒక్కటంటే ఒక్కటి వినిపించింది. అదీ ఆ సభకు విచ్చేసిన వారి గోలలో కలిసిపోయింది. ఇదీ నేటి నాటకరంగ పరిస్థితి. ప్రేక్షకుల సంగతి పక్కన పెడితే, అసలు కమిట్మెంట్ లేనిది నాటక రంగంవారికని ఇలాంటి సంఘటనలు మరింత బలపరుస్తాయి. ఈ విషయంపై నేను స్పందించి రాసిన వ్యాసం ఆంధ్రభూమిలో వచ్చింది. చాట్ల వారు ఓ పది కాపీలు తెలుగు యూనివర్శిటీ ధియేటర్ ఆఫ్ ఆర్ట్స్ కి పంపానని చెప్పారు. ఇలాంటిదే జి.ఎల్.ఎన్. మూర్తిగారు ఇవాళ ఆంధ్రజ్యోతి లో రాసిన “మంచి నాటకం ఎక్కడ?” వ్యాసంలో రాసారు.

6. rama bharadwaj అభిప్రాయం:

   February 4, 2009 10:18 am

   సంపాదకులకు,

   నాటకం గురించి వచ్చిన మంచి పుస్తకం జయప్రభ గారి “నాలుగో గోడ”. తెలుగు నాటకం మీద వచ్చిన మంచి పరిశోధన ఇది.. తెలుగు నాటకరంగం మీద అదివరకు ఎవరూ చేయని కొత్త చర్చలన్నీ… మొదటగా 91 ప్రాంతాల్లోనే ఈ పుస్తకం లో చోటుచేసుకున్నాయి. మరి నాటకం గురించి మాట్లాడేవారెవ్వరూ ..ఈ పుస్తకం ప్రస్తావనే చేయడం లేదు.?? తొలిగా వచ్చిన పుస్తకాన్ని గురించి పేర్కొన టం…ఒక మర్యాద కదా? మీ webzine అభిప్రాయాల్లో… ఇటువంటి వాటికి ఏమంత ప్రాముఖ్యతని ఇవ్వరు కాబోలు!.నాకు తెలిసినంతలో ఒక అంశం మీద మాట్లాడేవారు..ఆ అంశం మీద వచ్చిన ముఖ్యమైన పుస్తకం నించి..విషయాన్ని కోట్ చేయటం అన్న ది ..ఆ విషయానికి ప్రామాణికతని ఆపాదిస్తుంది. కన్యాశుల్కం గురించి చర్చించేటప్పుడు అప్పారావుగారి ప్రసక్తి తెచ్చిన ట్టుగా అన్నమాట.ఆ పుస్తకానికి ఆంధ్రదేశంలో అభిమానులు మెండు. అమెరికా తెలుగువారికి తెలియదేమో ఇంకా అని …చెప్పాలనుకున్నాను.

   రమ.

7. Sai Brahmanandam Gorti అభిప్రాయం:

   February 4, 2009 11:04 am

   రమ గారూ,

   ఈ పుస్తకం గురించి అందరికీ తెలుసని అనుకోను. పుస్తకాల దుకాణాల్లో ఇలాంటివి అందుబాటులో ఉంటున్నాయా? క్రితం ఏడాది మొదిలి నాగభూషణ శర్మ గారి “నాటక శిల్పం” పుస్తకం వచ్చింది. అదీ చాట్లవారు నాకు బహుకరిస్తే లభించింది. మీరన్నది నిజమే! అమెరికాలో ఉండే వాళ్ళకి వీటి గురించి తెలీదు.
   తెలుగు నాటకం పేరున ఒక బ్లాగు పెట్టే ప్రయత్నంలో ఉన్నాను. అందులో నాటక ప్రతులూ, వీడియోలూ అన్నీ ఉండేలా చేయాలన్న ఆలోచన ఉంది. అది రూపుదిద్దుకుంటే ఈ పుస్తకం అక్కడ పెడదాం. నాటకాలకి సంబంధించి నా దగ్గర పాతవి కొన్ని పుస్తకాలున్నాయి. అవన్నీ మెల్లమెల్లగా పి.డి.ఎఫ్ ఫార్మాట్ కి మారిస్తే ఇది కుదురుతుంది.

   -సాయి బ్రహ్మానందం.

8. Sreenivas Paruchuri అభిప్రాయం:

   February 4, 2009 1:30 pm

   > ఈ పుస్తకం గురించి అందరికీ తెలుసని అనుకోను. పుస్తకాల దుకాణాల్లో ఇలాంటివి అందుబాటులో ఉంటున్నాయా?
   I am, once again, astonished by the level of confidence with which certain comments are made here. “నాలుగోగోడ” పుస్తకం గురించి “అమెరికాలో ఉండే వాళ్ళకి వీటి గురించి తెలీదు.” అని అంత నిశ్చయంగా యెలా చెప్పగలుగుతున్నారో! The book was (perhaps still is!) pretty much available in bookshops back home until very recently (2006/07). If you want, I own a copy, and many of my friends and acquaintances in USA too :-). Anyway, I wish all the success in acquiring permission from the author to make the book publicly accessible.

   > మరి నాటకం గురించి మాట్లాడేవారెవ్వరూ ..ఈ పుస్తకం ప్రస్తావనే చేయడం లేదు.??
   > తొలిగా వచ్చిన పుస్తకాన్ని గురించి పేర్కొన టం…ఒక మర్యాద కదా? మీ webzine
   > అభిప్రాయాల్లో… ఇటువంటి వాటికి ఏమంత ప్రాముఖ్యతని ఇవ్వరు కాబోలు!.

   I also wonder on what basis the above statements were made, and I fail to understand how is it a “first book”. More puzzling, rather amusing, is to read the dig at ఈమాట magazine. Where is the relevance in the above essay or the comments to mention this book? Pray, how’s ఈమాట responsible for not talking about నాలుగో గోడ. Why don’t you yourself write an article for ఈమాట explaining why you believe that its a good book, and what new arguments were made in it. I am sure that ఈమాట readers’d appreciate such an attempt.

   In fact, even better would be a comprehensive essay discussing various writings on “drama criticism” in Telugu, paying due tributes to people like శ్రీనివాస చక్రవర్తి, భమిడిపాటి et al, and also consider various essays by కోలాచలం, గోవిందరాజుల, స్థానం, రాఘవ et al which critically discuss the early days of drama so that we also get an historical perspective.

   Regards,
   Sreenivas

9. Sai Brahmanandam Gorti అభిప్రాయం:

   February 4, 2009 3:25 pm

   శ్రీనివాస్ గారూ,

   నేను గత ఏడాది అక్టోబర్ / నవంబర్ లో ఇండియా వెళ్ళినప్పుడు నాటకాలకి సంబంధించిన్ పుస్తకాలు కొందామని చాలా షాపులు తిరిగాను. ఈ “నాలుగో గోడ” ఏ దుకాణంలోనూ నాకు కనిపించలేదు.

   నాకు మీఅందరికీ వున్నంత అవగాహన లేదు. ఈ మధ్య అనేక మంది నాటకరంగ ప్రముఖులతో చర్చించే అవకాశం వచ్చింది. వాళ్ళెలెవ్వరూ ఈ పుస్తకం ప్రస్తావనే తీసుకు రాలేదు. నాకు తెలీక పోయినా వారు ఆంధ్ర దేశంలోనే ఉన్నారు కాబట్టి ఖచ్చితంగా తెలిసుండాలనుకుంటున్నాను. నాటకరంగానికీ, సాహిత్య రంగానికీ ఉన్న బంధం ఎప్పుడో తెగిపోయింది. ( ఇది నా అభిప్రాయం సుమా - మళ్ళీ ఇక్కడ అపార్ధాలకి తావులేదు. ) నాటకాలు వేసేవాళ్ళకీ, నాటకాలు రాసేవాళ్ళదీ ఇద్దరిదీ చెరోదారి. ఒకరి సృజన ఇంకొకరికి పట్టదు. ఇదీ ప్రస్తుత పరిస్థితి.

   “అమెరికాలో ఉండే వాళ్ళకి వీటి గురించి తెలీదు.” బదులుగా “అమెరికాలో ఉండే వాళ్ళకి వీటి గురించి తెలియక పోయే అవకాశం ఎక్కువ” అని రాసుండాల్సింది నేను. నా అభిప్రాయాన్ని అందరిదీగా చెప్పడం తప్పే!

10. rama bharadwaj అభిప్రాయం:

    February 4, 2009 10:01 pm

    సంపాదకులకి,
    పరుచూరి శ్రీనివాస్ గారికి నా అన్ని అభిప్రాయాల పట్ల ఎందుకనో మరీ వ్యతిరేకత ఏర్పడింది. ఆయన నాకిచ్చిన సూచననే నేను ఆయనకిస్తున్నాను. చూడబోతే ఆయన భావకవిత్వం నించీ ఆధునిక తెలుగు నాటకం దాకా విషయ సంపన్నత బాగా కలిగిన వారుగా కన్పిస్తున్నారు. మంచి సాహితీవేత్త, సాహితీ విమర్శకులూ కూడా కావొచ్చు. నా దురదృష్టం ఏమో నేను ఆయన రచనలేవీ పుస్తకాలుగా ఇంత వరకూ చదవలేదు. ఆయన నా మీద ఒంటి కాలి మీద లేవటం తగ్గించి, తనకి క్షుణ్ణంగా తెలిసిన విషయాల మీద విపులంగా ఇంగ్లీషు వాక్యాల్లో కాక తెలుగు వాక్యాల్లో ప్రకటిస్తే, తెలుగు భాషా సాహిత్యాల కోసం ఈమాట చదవదలుచుకునే పాఠకులకి మరింత మేలు జరుగుతుంది కాదా??

    రమ.

11. rama bharadwaj అభిప్రాయం:

    February 4, 2009 10:33 pm

    బ్రహ్మానందం గారూ

    మరి మీరు..మొదలి వారినీ, అలాగే చాట్ల వారినీ “నాలుగో గోడ” గురించి అడగలేదా?? నాటకం గురించి వచ్చిన నాసిరకం పుస్తకాలు వాళ్ళకి తెలిసి “నాలుగో గోడ” వంటి విమర్శ తెలియక పోవటం సాధ్యం కాదు కదా??
    తెలుగు నాటక రంగం మీద్ కృషి చేసిన వారే లేరే?? చెప్పుకోగల్గినంతగా అని నా భావం. [మళ్ళీ పరుచూరి శ్రీనివాస్‌కి కోపం వస్తుంది కాబోలు నేనీ మాట అన్నందుకు. కానీ ఏం చెయ్యగలం? పేర్లు వల్లించినంత మాత్రాన ఆ పుస్తకం బుద్ధికి పదును పెట్టేది కూడా కావాల్సి ఉంటుందని శ్రీనివాస్‌ గారికి నేనెందుకూ చెప్పడం? ఆయనకి తెలియదు గనకా? అన్నీ తెలిసిన వారాయె!].

    బ్రహ్మానందం గారూ ! తెలుగు నాటకం మీద మీకున్న శ్రద్ధ సంతోషించదగ్గది. తెలుగు నాటకం ఈ నాటికీ నిలవ నీరు మాదిరిగా మిగిలిపోయిందని ఆ రంగం గురించి బాగా తెలిసిన వారు చాటుగా అంటూంటారు. ఇది నిజమేమో మరి శ్రీనివాస్ గారి లాంటి సర్వజ్ఞులు చెప్పాలి.

    రమ.

12. అక్షర అభిప్రాయం:

    February 5, 2009 2:14 am

    @rama bharadwaj (February 4, 2009 10:18 am )
    >>నాటకం గురించి వచ్చిన మంచి పుస్తకం జయప్రభ గారి “నాలుగో గోడ”. తెలుగు నాటకం మీద వచ్చిన మంచి పరిశోధన ఇది.. తెలుగు నాటకరంగం మీద అదివరకు ఎవరూ చేయని కొత్త చర్చలన్నీ… మొదటగా 91 ప్రాంతాల్లోనే ఈ పుస్తకం లో చోటుచేసుకున్నాయి.

    ఇది మీ సొంత అభిప్రాయమనుకుంటున్నాను. మీకు నచ్చింది కాబట్టి మీకు మంచి పుస్తకమై ఉండొచ్చు. అలాగే మంచి పరిశోధనగా మీకు అనిపించి ఉండొచ్చు. పరుచూరి శ్రీనివాస్ గారన్నట్లు, ఈ మంచి పుస్తకం గురించి మీరే ఒక పరిచయ వ్యాసం వ్రాస్తే , ఆ పుస్తకం గురించి కనీసం మాలాంటి ఈమాట పాఠకులకైనా తెలుస్తుంది కదా!

    >మరి నాటకం గురించి మాట్లాడేవారెవ్వరూ ..ఈ పుస్తకం ప్రస్తావనే చేయడం లేదు.??

    అందుకు కారణాలు ఏమై ఉంటాయని మీరనుకుంటున్నారో తెలుసుకోవాలని చాలా కుతూహలంగా ఉంది.

    >తొలిగా వచ్చిన పుస్తకాన్ని గురించి పేర్కొన టం…ఒక మర్యాద కదా?

    అంటే ఇది తెలుగు నాటకరంగం గురించి వచ్చిన మొదటి పుస్తకమా?! అదీ 91 ప్రాంతాలలోనా? అనగా 91 కి ముందు, తెలుగు నాటకరంగం మీద అస్సలు పుస్తకాలే లేవా? ఒకవేళ ఈ నాలుగో గోడే తొలిపుస్తకమే అయితే, అందులో చర్చించిన క్రొత్త విషయాల మీద విస్తృతమైన (లేక సాధారణ) చర్చ ఏమైనా జరిగిందా? ఆ చర్చలకు సంబంధించిన వివరాలు చూడాలని ఆసక్తిగా ఉంది. అందుకు సంబంధించిన సమాచారం మీవద్ద ఏమైనా ఉంటే ఇవ్వగలరా? పోనీ సమాచారం ఎక్కడ లభ్యమౌతుందో వివరాలు ఇవ్వగలరా? ఒక మంచి పుస్తకం గురించి తెలుసుకోవాలనే తపనతో మిమ్ములను ఇవన్నీ అడుగుతున్నానని మనవి.
    ఒకానొక పుస్తకం గురించి పేర్కొనకపోవడం గురించి, వ్యాసకర్తలను నిలదీయడం చూస్తే చాలా ముచ్చటేస్తుంది. ఇకనుంచైనా వ్యాసాలు వ్రాసేవాళ్ళు, వ్యాస విషయమ్మీద మొదట వచ్చిన పుస్తకాన్ని మర్యాద పూర్వకంగానైనా పేర్కొంటారని ఆశిద్దాం! మొదట వచ్చిన పుస్తకాల వివరాలు వ్యాసకర్తలకు అందుబాటులోకి తెచ్చే ఆలోచన ఎవరైనా చేస్తే చాలా బేషుగ్గా ఉంటుంది.
    మీ ఉద్దేశ్యంలో మొదట వచ్చిన, పరిశోధనాత్మక మంచి పుస్తకం గురించి వ్యాసాల్లో (నాటకాలకు సంబంధించిన) పేర్కొనక పోవడం వెనుక, పుస్తకం గురించి వ్యాస రచయితకు తెలియక పోవడం, వ్రాసే వ్యాసానికి – పుస్తకంలో సమాచారానికి లింకు లేక పోవడం, లేక పుస్తకం నచ్చకపోవడం కాక మరేమైనా కారణాలను మీరు ఊహిస్తున్నట్లైతే, వాటి గురించి తెలుసుకోవాలని నాకు చాలా ఆతృతగా ఉంది.

    >మీ webzine అభిప్రాయాల్లో… ఇటువంటి వాటికి ఏమంత ప్రాముఖ్యతని ఇవ్వరు కాబోలు!

    చాలా బాగుంది. వెబ్జీన్ అభిప్రాయాల్లో పాఠకులు ఎలాంటి అభిప్రాయాలకు ప్రాముఖ్యత నివ్వాలో – ఎలాంటి అభిప్రాయాలు వ్రాయాలో, వేటి గురించి వ్రాయాలో, వేటి గురించి వ్రాయకూడదో , ఏ పుస్తకాలను కోట్ చెయ్యాలో – ఒక నియమ నిబంధనావళి తయారు చేస్తే అద్భుతంగా ఉంటుంది.

    >నాకు తెలిసినంతలో ఒక అంశం మీద మాట్లాడేవారు..ఆ అంశం మీద వచ్చిన ముఖ్యమైన పుస్తకం నించి..విషయాన్ని కోట్ చేయటం అన్న ది ..ఆ విషయానికి ప్రామాణికతని ఆపాదిస్తుంది. కన్యాశుల్కం గురించి చర్చించేటప్పుడు అప్పారావుగారి ప్రసక్తి తెచ్చిన ట్టుగా అన్నమాట.

    అంశానికి సంబంధించి మాట్లాడే వాళ్ళందరికీ ఉపయోగపడే ముఖ్యమైన ముక్క ఇది. ముఖ్యమైన పుస్తకం నుంచీ, ఏదో ఒక విషయాన్ని మీ అంశానికి సంబంధమున్నా లేక పోయినా కోట్ చేయాలి. వచన కవిత్వం గురించి వ్రాసే ప్రతి వ్యాసంలో శ్రీ.శ్రీ. మహాప్రస్థానం గురించి ప్రస్తావించడం మరచిపోకూడదు(ఇంకెవరైనా విస్మరణకు గురౌతున్న వాళ్ళు ఉంటే వాళ్ళ గురించి కూడా ఉటంకించాలి). అలాగే కథ గురించి వ్రాస్తే గురజాడ ను స్మరించాలి(ఇంకెవరైనా విస్మరణకు గురౌతున్న వాళ్ళు ఉంటే వాళ్ళ గురించి కూడా ఉటంకించాలి). మీ భావమిదేనా?! అయితే…అర్జంటుగా ఈ నిబంధనను కూడా వ్యాస రచయితలకు తెలియచేసి, పాటించని వాళ్ళ వ్యాసాలను పబ్లిష్ చెయ్యకూడదని సంపాదకులకు తాఖీదు పంపాలి.

    కన్యాశుల్కం లో అప్పారావుగారు విషయమా? ఆయన కన్యాశుల్కం నాటకాన్ని వ్రాసిన రచయిత కదా! పొరపాటు నాదే – మీరంటున్నది – కన్యాశుల్కం గురించి ఏదైనా వ్రాసేటప్పుడు అప్పారావు గారి ప్రసక్తి తేవడం గురించి కదూ?!

    ఇంతకీ నాటకరంగం మీద వ్రాసిన వ్యాసాల్లో “నాలుగో గోడ” ప్రసక్తి లేదనా లేక “నాలుగో గోడ” రచయిత(త్రి) ప్రస్తావన లేదనా? ఇది చాలా కన్ఫూజింగ్ గా ఉంది!

    ఇంతా వ్రాసిన తర్వాత, ముందు ముందు నేను నాటకరంగం మీద వ్యాసం వ్రాస్తే “నాలుగో గోడ” గురించి ప్రస్తావిస్తే సరిపోతుందా? రచయితను కూడా స్మరించాలా? లేక రచయితను, నాలుగో గోడను రెంటి గురించీ వ్రాయాలా?

    - అక్షర

13. rama bharadwaj అభిప్రాయం:

    February 6, 2009 12:25 am

    అక్షర గారూ !!

    నాలుగో గోడ పుస్తకం మీద నాకున్న అభిప్రాయం మాత్రమే అది. నాతో విభేదించే హక్కు … ఎవరికైనా కూడా ఉంది. మీ కుతూహలాల విషయం లో నాకు కుతూహలం లేదు. నాటకం ప్రస్తావన లో ..చర్చని కొత్త దిశగా మ లుపు తిప్పడం కోసం కొన్ని కొత్త అంశాలు లేవనెత్తడం జరుగుతుంది. నాది అటువంటి ఒక ప్రయత్నం మాత్రమే! కొత్త అంశాల ప్రస్తావన ఎప్పుడూ కూడా పత్రిక లోని చర్చల పరిధిని పెంచుతుంది.అయితే వ్యంగ్యం మాత్రమే ముఖ్యమైపోవడం వల్ల… అసలు విషయం పోయి కొసరు మిగులుతుంది. నాకు అటువంటి వాటిల్లో ఏమాత్రం ఆసక్తి లేదు. నాకు “అక్షరం” విలువ బాగా తెలుసు. గనక క్లుప్తంగా నే చెబుతున్నాను.నా అభిప్రాయాన్ని…… నాటకం గురించి ఎవరు ఏం మాట్లాడినా..ఎక్కడ మాట్లాడినా..పుస్తకంగా నాలుగో గోడ నీ..రచయిత్రి గా జయప్రభ గారి కృషినీ..చెప్పటం లో ఔచిత్యం ఉంటుంది. నా అభిప్రాయాన్ని చెప్పే హక్కు నాకు ఉంది.
    నా ఉద్దేశ్యం ఇంత మాత్రమే !!
    రమ

14. K. Rohiniprasad అభిప్రాయం:

    February 6, 2009 10:12 am

    అభిప్రాయాలు రాసే పద్ధతి మర్యాదపూర్వకంగా ఉంటే bickerings తగ్గుతాయి. ఈ విషయంలో మోహనరావుగార్ని ఆదర్శంగా తీసుకోవచ్చు.

15. rama bharadwaj అభిప్రాయం:

    February 19, 2009 5:04 am

    సంపాదకుల ద్వారా రోహిణీ ప్రసాద్ గారికి,

    అయ్యా ! “మోహనరావు గారి పద్ధతి” అన్న మాట నాకు సరిగ్గా బోధపడలేదు గానీ, సాహిత్య విషయాల్లో స్పర్ధలు సామరస్యం గానే పరిష్కారం అయిపోతాయా అన్నిసార్లూ? సాహిత్యం లో ఎవరి emotions వారివి. ఒకరి గొంతు మారితే, రెండో వారి గొంతు కూడా అందుకు అనుగుణంగా మారుతుంది. రచ్చబండ లో “కృష్ణదేవరాయలు కన్నడిగుడా? తెలుగు వాడా?” అన్న దాని మీద మృదువుగా “ఎవరైతే మాత్రం ఏమిటీ?” అన్న రాజీ ధోరణి లో మోహనరావు గారిది ఒక అభిప్రాయం చదివాను. ఆయన మాదిరిగా అలా భావించని వారూ వున్నారు. మరి వారి భావాలు కూడా బయటికి రావాలి కదా? చరిత్రలో తేలని అనేక అంశాలు ఇంకా వున్నాయి. నా వుద్దేశ్యంలో చర్చని పనిగట్టుకుని పక్కదారి పట్టించకుండా వుంటే కొత్త గొంతులు విన్పిస్తాయి. కొత్త భావాలూ, బయటికి వస్తాయి. అందువల్ల లాభమే గానీ నష్టం వుండదు. ఇహ. మాట్లాడటం రాని వాళ్ళంటారా? అలాగే పడుతూ లేస్తూ నేర్చుకుంటారు. నలుగురికీ ఉపయోగపడే విషయం అయితే అదే గుర్తుంటుంది. లేదూ గాలికి పోతుంది. పోయింది పొల్లు. మిగిలిందే మనది… మోహన్ రావు గారి పట్ల గౌరవం గానే.

    రమ.

16. యుగంధర్ అభిప్రాయం:

    February 25, 2009 5:15 pm

    గొర్తిగారిలా అన్నారు ..
    “తెలుగు నాటకం పేరున ఒక బ్లాగు పెట్టే ప్రయత్నంలో ఉన్నాను. అందులో నాటక ప్రతులూ, వీడియోలూ అన్నీ ఉండేలా చేయాలన్న ఆలోచన ఉంది. అది రూపుదిద్దుకుంటే ఈ పుస్తకం అక్కడ పెడదాం. ”

    అయ్యా మీ ఉద్దేశం గనక జయప్రభగారు రాసిన నాలుగోగోడ పుస్తకం అయితే ఆవిణ్ణి సంప్రదించకుండా ఇలాంటి ప్రణాళికలు వెయ్యకండి. తన కాపీరైట్లని సంరక్షించుకోవడంలో ఆవిడకి చాలా పట్టింపు ఉంది.

మీ అభిప్రాయం తెలియచేయండి

Name (required)

E-mail (required)

URI

English తెలుగు ( కీబోర్డు మ్యాపింగ్ చూపించండి తొలగించండి)

ఈమాట పాఠకులకు సూచనలు చదివాను.
వాటికి కట్టుబడి ఉంటానని హామీ ఇస్తున్నాను.



Copyright© 2010   eemaaTa.com. Content can not be reproduced without the permission of the author and the eemaaTa magazine. Contact eemaaTa at submissions@eemaata.com· XHTML · CSS