కధ ముందుకు చదవాలంటే నాకు ఇంకో భయం కూడా కలుగుతుంది. కావ్య పురుషుని తరువాతి కధా భాగాలలో అతడు దురలవాట్లకు లోనై, ఆత్మ విశ్వాసం, ఆత్మాభిమానం కోల్పోయి, రోగ పీడితుడై అడుక్కుతినే దశకు రావచ్చును (చుట్టూరా పరికించండి ఒకమారు). ఎక్కడికి వెళ్ళినా పురజనులు అతనిని ఆదరించడం బదులు పిచ్చివాడని గేలి చేస్తారు. కుక్కల మొరుగుళ్ళు, గాడిదల ఓండ్రింపులు అతని కావ్యగానాన్ని వినిపించకుండా చేస్తాయి. (21వ శతాబ్దం) హత విధీ. ఆ తరువాత కావ్య పురుషుడు కోలుకొని నవనవోన్మేష మనోల్లాసంతో ధృఢదేహుడై, అందరి మన్ననలు తిరిగి సాధించి తన సాహితీవిహారాన్ని ఎలా సాగిస్తాడో? ఇదే మీ కధనానికి నిజమైన సవాలు.