వ్యాసములో సుగంధివృత్తమునకు వ్రాసిన పేరాను తొలగించి క్రింది
విధముగా చదువుకొనవలయును.

చంచల -
సుగంధివృత్తమునకు చివర ఒక లఘువును అదనముగా నుంచితే
మనకు చంచల లేక చిత్రశోభ అను వృత్తము లభించును.
ఇందులో పాదమునకు ఎనిమిది గ-లములు. తెలుగులో ఈ లక్షణములతో
నుండు పద్యము తురగవల్గన రగడలోని ఒక విధము. సంస్కృతములో యతి లేదు కనుక చంచలకు అంత్యప్రాస ఉంచితే తురగవల్గనరగడ
అవుతుంది. ఈ వృత్తమును శివపంచాక్షర నక్షత్రమాలాస్తోత్రములలో
శంకరులు వాడినారు. శంకరుడు దక్షిణదేశవాసి, అతనికి తమిళ
కన్నడములు తెలిసియుండవచ్చును. ద్రావిడ భాషలలో ప్రాస నియతము. సంస్కృతములో అవసరము లేదు. శివపంచాక్షర నక్షత్రమాలాస్తోత్రములో గల 27 పద్యాలకు ద్వితీయాక్షరప్రాసను వాడినారు. క్రింద చంచలవృత్తమునకు ఒక ఉదాహరణ-

జన్మ మృత్యు ఘోర దుఃఖహారిణే నమః శివాయ
చిన్మయైకరూపదేహధారిణే నమః శివాయ
మన్మనోరథావపూర్తికారిణే నమః శివాయ
సన్మనోగతాయ కామవైరిణే నమః శివాయ - శివపంచాక్షరీనక్షత్రమాల (8)

జననమరణముల వెతలను బాపెడు శివుడా నీకు నమస్సులు
జ్ఞానమునకు బ్రతిరూపము దాల్చిన శివుడా నీకు నమస్సులు
నా మన మందలి కోరిక దీర్చెడు శివుడా నీకు నమస్సులు
సజ్జనచిత్తనివాస స్మరాంతక శివుడా నీకు నమస్సులు

సుగంధి -
తెలుగు పద్యాలు చదివేవారికి ఉత్సాహ పరిచితమైనదే. ఉత్సాహలో పాదానికి ఏడు సూర్యగణములు (UI లేక III) చివర ఒక గురువు ఉంటుంది. అన్ని సూర్యగణాలు గ-లమైతే మనకు ప్రాప్తించే వృత్తమునకు సుగంధి అని పేరు. ఈ సుగంధి నిజముగా పంచచామరములోని మొదటి లఘువును తొలగించగా వచ్చిన వృత్తమే. కాలభైరవాష్టకములో సుగంధివృత్తములుగలవు, అందులోనుండి క్రింద ఒక ఉదాహరణ-

దేవరాజ సేవ్యమాన పావనాంఘ్రి పంకజం
వ్యాల యజ్ఞ సూత్ర మిందుశేఖరం కృపాకరం
నారదాది యోగి వృంద వందితం దిగంబరం
కాశికాపురాధినాథ కాలభైరవం భజే - కాలభైరవాష్టకము (1)

http://sanskritdocuments.org/all_pdf/kaalabhairava.pdf

దేవరాజు సేవజేయు పావనాబ్జపాదునిన్
పాము జందె మైన సోమశేఖరున్ దయాకరున్
నారదాది యోగికూట వందితున్ దిగంబరున్
కాశి భూమి నేలు కాలభైరవున్ నమింతు నేన్

చంచల 16 అత్యష్టి 43691 (UIUIUIUI) (UIUIUIUI) 9

కాకపోతే రాసిన భాషతోనే సమస్య, ఇబ్బందీ! చదువరుల సహనాన్ని పరీక్షించినట్లుగా ఉంది.
శిష్ట వ్యవహారికంలో రాసి ఉండాల్సిమంది, ఇంకాస్త మంది చదివేవారు.

-సాయి బ్రహ్మానందం గొర్తి