దివ్య దీపావళి
జవ్వనాన్ని జువ్వ చెయ్యండి
పువ్వుల్లా బ్రతికే పూలరంగళ్ళూ
ఈనెగా మీ ఆననివ్వండి
శూన్య శంకువుల్లాంటి
మీ గుండెల్లో
చైతన్యాన్ని పోసి
దట్టింపులన్నీ
పూర్తి చెయ్యండి
కార్యదీక్షా సూత్రంతో
సంధించండి.
నిరంతర శ్రమాగ్నితో
రగిలించండి.
అపుడు..
ఆకసాన రంగులు విరుస్తాయి.
ఆశయాలు తారాపథాన నిలుస్తాయి.
రచయిత డా. భాస్కర్ కొంపెల్ల గురించి: భాస్కర్ కొంపెల్ల జననం పశ్చిమగోదావరి జిల్లా తణుకులో. నివాసంన్యూజెర్సీలో. ఈమాట సంస్థాపక సంపాదకులలో ఒకరు. యూరప్, మెక్సికోలలో కొంతకాలం ఉన్నారు. సంస్కృత, ఆంగ్ల సాహిత్యాల్లో అభిరుచి. కవితలు, కథలు , వ్యాసాలు రాసారు. ... పూర్తిగా »